Llectura hermético de San Xuan d'Amandi

L'asociación cultural d'Amigos del
Paisaxe de Villaviciosa Cubera presentó na ilesia de San Xuan d'Amandi l'últimu cartafueyu de l'asociación. Entituláu "Lectura hermética de San Juan de Amandi" y escritu por
José Antonio Samaniego, la obra quier ser un afondamientu na
iconografía d'un de los templos románicos más importantes
de la Comarca de la Sidra, que l'autor asitia más allegada al humanismu
grecollatino, más que na redolada de la ética cristiana.
Levantada a primeros del sieglu XIII con una sola nave, en San Xuan d'Amandi
rescamplen sobremanera la portada d'influyencia del románicu
saxón y los capiteles, lo memo los de dientro de la ilesia que los que
van per fuera del abside, alternando les escenes de bestiariu tan avezaes nel
arte medieval xunta temes musicales y escenes de tema eróticu.La
historia del edificiu tamién ta espeyada nesti llibru qu'esplica como'l
templu quedó vaciu hasta que se reconstruyó nel 1.755.