Lleche en catalán

Dende Cataluña llega una intersante noticia sobre la llucha pola normalización del idioma nel ámbitu de les empreses. Ello ye que la "Plataforma per la Llengua" de Cataluña ta acabante de conseguir un importante trunfu al convencer a la empresa Leche Castillo pa qu'etiquete en catalán los sos productos depués d'una campaña que namás duró cinco díes. La presión social foi ún de los argumentos más importantes a la hora de llegar a esti compromisu por parte de la empresa llechera, que recibió más de 700 correos electrónicos pidiendo l'etiquetao en catalán de los sos productos. La plataforma desarrolló va unos meses otra campaña asemeyada cola empresa Leche Pascual.

La plataforma per la Llengua catalana ta centrando muncho'l llabor que fai nel mundu de les marques comerciales y la presencia del idioma nos centros comerciales. Si s'echa una güeyada'l so web, podemos ver campañes asemeyaes empobinaes a defender l'etiquetao en catalán del vinu y del cava, el catalán nos móviles de la casa Motorola o la presencia del catalán nos supermercaos de xuguetes Toys'r'us