Llangréu pon cursos d'asturianu

Les Xornaes Culturales "A la Gueta los oríxenes" de Llangréu continúen esta selmana con delles actividaes, ente elles la representación esti xueves na Casa la Cultura de La Felguera la obra costumista "La
Declaración de Ramón" pol Grupu de Teatru de la Residencia
d´Ancianos de Llaviana y la conferencia del vienres na Casa la Cultura La Felguera sobre la
Bandurria asturiana a cargu de Héctor Braga, músicu del grupu
Llangres que va esponer materiales sobre esti instrumentu recoyíos na Cuenca del Nalón.

La organización de les xornaes alégrase de la gran asistencia de

públicu a tolos actos, sobremanera a
la representación de teatru de "Los Socedíos de Nelón" col grupu Nun Tris, la conferencia que dio la otra selmana Ramón d´Andrés y el conciertu de Felpeyu y
Hortolana del otru vienres. L'ésitu llega tamién a l'actividá de cuentacuentos, na que van participar
más de trescientos neños y neñes.

Xunta l'ésitu d'estes iniciatives el Conceyu de Llangréu va poner tres cursos de Llingua Asturiana que tan yá pa entamar, colo que quien quiera apuntase pue facelo entovía. El primer d'estos cursos empobínase a los funcionarios del Conceyu y ye monográficu sobre Llinguaxe Alministrativu, con horariu
de
mañana, marrtes y xueves y los llunes de tarde. Abiertos al públicu xeneral, l'ayuntamientu va facer dos cursos, ún d'aniciu los martes, miércoles y xueves con horariu de 16:30 a 18:30 y otru d'afondamientu, que va ser los mesmos díes de laselmana pero n'horariu de 19 a 21 hores. Los cursos van ser de baldre y la inscripción pue facese na Casa
Cultura
Escueles Dorado de Sama, llugar onde van ser les clases o tamién llamando al 985678158.