Llangres tuvo de viaxe

Esta selmana Yago, del grupu "Llangres", comentónos como foi la última xira del grupu llangreanu.

El grupu fizo una minixira per Portugal y Italia onde participaron en dellos festivales de los dos países. En Portugal "Llangres" tuvo nel II Festival Intercélticu de Vizela, onde compartieron escenariu con "Berrogüeto". Al otru día de tocar en Portugal garraron la maleta, y ensin descansu, volaron hasta Italia. Nel país transalpinu dieron tres conciertos nel "Folkest 2003", que faese na "Regione Autonoma Friuli Venezia Giulia" y que cumplía esti añu 25 años. Dieron otru conciertu nel festival "Andar per Música", festival que desenvuélvese na provincia de Bergamo durante los meses de mayu, xunu, xunetu y agostu, y onde esti xueves pasáu tocaron los tamién asturianos "Llan de Cubel".

Per otru llau "Llangres" tamién quier convidar a tolos sos siguidores a visitar la so páxina web, que dende va unos díes tien un nuevu diseñu. Nella, anque tovía nun ta acabada del too, podéis topar la historia del grupu, semeyes, cantares en mp3...etc.