L'intercélticu de Tapia, a lo grande

Tapia celebra dende mañaba y hasta esti miércoles el VII Festival Intercéltico d'Occidente. La inauguración d'esti eventu, en que van participar más de 200 músicos, va facese pela tarde na Casa Conceyu de Tapia, y ellí va poder sentise la música de les gaites murcianes de Lorca y la banda tapiega "Marino". Los conciertos gordos entamen el sábadu coles actuaciones na Playa del Murallón, del grupu folk asturianu Triba y el grupu de Llión "Tarr", mientres que'l domingu va facese la "Gran Noite Máxica", cola banda bretona Laderne y el grupu gallegu Charamuscas. El llunes la estrella va ser el gaiteru Guti, qu'anda en promoción del discu "Gaiteru del Sur" y que va actuar xunta la bandina "Cotcoricó". La cabera nueche va ser la del martes, al cargu de los asturianos "Cuquiellu" y los cántabros "Deieva", mientres que'l martes, a les 2 de la tarde, un pasucais va echar el piesllu al festival.

Aparte de les nueches na playa, el Festival va contar con bien d'actividaes paraleles, ente les que llamen l'atención el taller de construcción de gaites al cargu de Vicente Prado "El Pravianu" o el de danza bretona, que van dar la xente del grupu "Eskell & Elorl" ún de los convidaos a esti festival xunta los portugueses de "Danzas e cantares de Carreco". Per otra parte l'Institutu "Marqués de Casariego" va acoyer la esposición d'arte patrocinada por Caxastur "El arte en el occidente de Asturias".