Les revistes 'Lliteratura' y 'Formientu' alcuéntrense nun actu en Mieres

|
Alcuentru 'Lliteratura' y 'Formientu' en Mieres recortáu

La Llocura acueye la presentación de los númberos 37 y 18 de dambes espublizaciones.

Les dos revistes más actives del panorama asturianu, la veterana 'Lliteratura', qu'asoleya l'Academia de la Llingua Asturiana (ALLA), y la dedicada a dar espaciu a los autores más mozos, 'Formientu', van protagonizar un actu esta tarde en Mieres. Xosé Ramón Iglesias Cueva, secretariu de la institución académica y miembru del Conseyu de Redacción de la la espublización, y l'académicu y traductor Xandru Martino van dar a conocer a los presentes los detalles del últimu exemplar, dedicáu a la traducción, mentes que pela otra parte van tomar la pallabra Claudia Elena Menéndez Fernández y Inaciu Galán.

Dalgunos de los autores, como Diego Solís o Alma Hidalgo, van facer llectura darréu de poemes espublizaos nesti númberu de 'Formientu'. L'eventu va dar entamu a les 19.30 hores nel café-llibrería mierense allugáu na cai Ayer.

Contador Estadistiques