Les quemes, agravaes pol fuerte aire, obliguen a xubir a situación 2 l'INFOPA y pidir ayuda

|

Hai 51 focos activos y en sitios como Ḷḷavadoira tuvieron que suspendese les actuaciones pal so desaniciu por motivos de seguranza.

Les quemes tán afeutando a Asturies, que se agraven pol fuerte aire. El Serviciu d'Emerxencies del Principáu d'Asturies (SEPA) comunicó a les 13.29 hores la decisión de Rita Camblor, conseyera de Presidencia, de xubir a situación 2 l'INFOPA (Plan de Quemes Forestales).

Tamién la solicitú d'ayuda a Unidá Militar d'Emerxencies (UME) pa contener el fueu, qu'afeuta a 51 puntos del país, 13 más qu'a primer hora del día. Ta actuándose en Torañu (Parres), Turón (Mieres), Fontes de Corveiru (Cangas del Narcea), Coḷḷanzo (Ayer), El Picu Aguichón (Salas), Ñeda (Cangues d'Onís), Vixidel (Teberga), Llaeces (Allande) y Porrúa (Llanes), mentes qu'en Ḷḷavadoira (Tinéu), el fuerte aire obligó a parar.

Contador Estadistiques