Les estaciones d’esquí rexistraron 80.318 usuarios esta temporada

|

La falta de nieve obligó a adelantar una selmana’l zarru de la temporada d’esquí, que sufrió la escasez de nevaes esti iviernu. Valgrande-Payares y Fuentes de Invierno rexistraron un total de 80.318 usuarios, 1.679 menos que l’añu anterior (81.997).

La estación ḷḷeniza tornó a ser la más visitada, con 41.001 esquiadores, anque tamién foi la que sufrió un descensu mayor de visites, yá que na temporada 2015-2016 recibió a 44.659 deportistes. Mentes, l’ayerana quedó en 39.317 persones, cuando na anterior algamó 37.338.

La falta de nieve marcó esta temporada, obligando a las estaciones a retrasar la so apertura hasta’l 16 de xineru, nel casu de Fuentes de Invierno, y al 20 del mesmo mes, nel de Valgrande-Payares, cuando taba prevista inicialmente pal 1 d’avientu. El mesmu condicionante meteorolóxicu impidió d’igual forma cubrir el periodu marcáu pal zarru de la mesma, el domingu, y abrir asina en Selmana Santa.

El día de máxima afluencia en Fuentes de Invierno foi’l domingu 26 de febreru, con 2.071 esquiadores, mentes qu’en Valgrande-Pajares diose’l domingo 19 del mesmu mes, con 2.568. Otra manera, la venta de forfaits xeneró 1.104.595 euros y la Selmana Blanca llevó a les pistas a 5.076 escolinos y escolines.

Contador Estadistiques