L'encierru de la sanidá acaba en denuncia

L'encierru que ficieron ayeri los delegaos sindicales de la estaya de CC.OO. de Sanidá y del sindicatu de sanidá SAE na Dirección Provincial del Serviciu de Salú del Principáu d'Asturies acabó con actuación policial y denuncia de la Conseyería a los sindicalistes

L'encierru que reivindicaba que s'abriere la Mesa Sectorial de Sanidá va acabar nos xulgaos dempués de la denuncia que punxo la Conseyería na Comisaría de la Policía Nacional d'Uviéu pola ocupación pola fuerza del despachu del director xerente del SESPA, Juan José Cañas, al que la entidá denunciante diz que los sindicalistes emburriaron hasta sacalu del despachu. La Conseyería llamó a la policía, qu'identificó y echó del despachu a los sindicalistes, y llamó tamién a un péritu pa dar cuenta de los daños en despachu, que dicen qu'acabó tremáu de pegatines y con aparatos estropiaos. La dirección del SESPA denunció que los encerraos escribayaron "frases de mal gustu" en documentos y llibros particulares del xerente. En cuantes a les reivindicaciones de los sindicatos participantes nel encierru la Conseyería diz que nun van atendese les demandes d'organizaciones que gasten medios como estos "pa consiguir presencia nos medios"