L'avieyamientu d'Asturies dispara la tasa de mortalidá

L'Institutu Nacional d'Estadística ta acabante de poner na rede l'adelantu de la tabla de movimientos naturales de la población del añu 2.002. Los datos del Institutu vienen a tarazar la feble llinia positiva que llevaba la estadística de la población asturiano, espeyando una baxada de la natalidá sobre los dos años anteriores y tamién la tasa de mortalidá más alta del estáu, con un 11,6 por mil habitantes, lo que rescampla l'avieyamientu de la población astur. En conxuntu, y solo polos movimientos naturales de la población (ello ye, namás ñacimientos y defunciones), Asturies perdió nel 2.002 un total de 5.581 habitantes, resultáu de resta-yos a los 6.783 ñacimientos les 12.364 muertes que se rexistraron