L'autovía de la polémica

El proyectu del Ministeriu de Fomentu, nel que manda l'asturianu Álvarez Cascos, de facer una autovía que vaya ente Cangues d'Onís y Ribesella ye ún de los que más polémica tan llevantando agora. La idega de l'autovía oriental sirvió pa que per primer vez que l'alministración asturiana y la de Madrid tuvieren postures enfrentaes dafechu por un proyectu d'infraestructures p'Asturies, mientres los alcaldes de los conceyos qu'atravesaría l'autovía tienen opiniones pa tolos gustos. Pal xueves a les siete y media hai convocáu un debate sobre la tema na Casa de Cultura de Cangues. Tarán ellí los alcaldes de los conceyos y espertos de la universidá. De momntu, l'autovía nun dexa d'ocupar sitiu na rede. Amás del web oficial de la Plataforma contra l'Autovía, esti otru web vien a criticar, con argumentos entovía más fuertes, el proyectu del Ministeriu de Fomentu