Laura González reconoz qu'hai rocea ente PSOE y IX-BA pol salariu social

La conseyera de Vivienda y Bienestar Social Laura González dio ayeri n'Avilés les primeres cifres sobre la dimensión que va tener el Salariu Social, ún de los compromisos del pautu de gobiernu PSOE - IX de mayor trescendencia social y que más tan allongándose nel tiempu. Según la titular de vivienda, les previsiones pal salariu ye qu'esti va llegar a unes 7.500 persones que carecen graves problemes de subsistencia y que va entrar en serviciu'l mes de xunu, con importes ente los 365 euros y los 602 acordies col númberu de persones que tean a cargu del beneficiariu.

La Llei Navarra de salariu social ye'l referente que punxo Laura González pa la ellaboración del Salariu Social asturianu. Otramiente, la conseyera refugó la idea de que'l Salariu Social tea retrasándose por falta de financiación pal mesmu, en cuantes qu'habría 60 millones d'euros acutaos pa l'aplicación d'esta midida, y reconoció que'l retrasu débese a les diferiencies ente les fuerces presentes nel executivu asturianu, diferiencies que s'asoleyaron en Conseyu de Gobiernu.