L’Atenéu Obreru rescata la obra de Mario de la Viña

L' Atenéu Obreru de Xixón presentó ayeri la obra "Mario de la Viña. Artículos", un llibru nel que l'investigadores lliterarios Antonio Alonso de la Torre y Xosé Bolado, esti Académicu de la Llingua Asturiana, dan un repás al llabor lliterario d'esti articulista y intelectual de Xixón que vivió nel exiliu tres de la Guerra Civil. Desconocíu pal gran públicu, Mario de la Viña morrió en París en 1990.

En 1931 de la Viña ganó'l premiu de cróniques "Antonio Zozaya, y a lo llargo de la referviente década de los 30 espubliza nes revistes madrilanes La Libertad, Norte, la Esfera y El Liberal, mientres que les publicaciones asturianes El Noroeste de Xixón y La Tarde d'Uviéu tamién cuenten cola lletra d'esti autor, ganador de dellos premios como'l de la "Cámara Oficial del Libro de Madrid" nel 34 o el "Moya" nel 1935.