"L'asturianu, l'eonaviego y el castellanu son llingües oficiales d'Asturies"

|
Xunta Xeneral aprobación Presupuestos Xenerales 2022

Ésta ye la propuesta de redaición del artículu 4 del Estatutu presentada pola FSA a partir de les demandes de los partíos que participen nes negociaciones pa la reforma de la norma.

Entovía un borrador, el testu ye un puntu d'aniciu pa llegar a un alcuerdu nuna cuestión pal que nenguna de les cuatro formaciones va poner torgues una vegada aceptada la demanda de Foro de los trés quintos pa la Llei de Normalización que desendolque la oficialidá. Nel mesmu incorpórase'l términu eonaviego pa referise al gallego-asturiano, glotónimu emplegáu hasta agora pola Alministración, y les zones d'usu oficial de les dos llingües van afitase na norma que s'aprobaría na llexislatura próxima y que necesitaría 27 votos favoratibles na Xunta Xeneral p'aprobase.

Artículu 4

  • Les lllingües propies d'Asturies son l'asturianu y l'eonaviego.
  • L'asturianu, l'eonaviego y el castellanu son llingües oficiales d'Asturies. Una llei de la Xunta Xeneral aprobada por mayoría de 3/5 del númberu llegal de miembros, ha afitar los términos y ámbitos del usu oficial de les llingües propies d'Asturies, y ha fixar les zones del so usu predominante.
  • Los poderes públicos asturianos garantizarán l'usu normal y oficial de los trés idiomes y potenciarán la utilización del asturianu y l'eonaviego en tolos aspeutos de la vida pública, cultural y informativa y, dispondrán los medios necesarios pa facilitar la so coherencia y desendolcu.
  • Naide nun podrá ser discrimináu por razón de la llingua qu'emplegue.
Contador Estadistiques