<FONT COLOR="#0080FF">L'asturianismu minoritariu algama conceyales</FONT>

Les distintes opciones asturianistes minoritaries que se presenten nestes elecciones tan algamando resultaos estremaos no que se lleva de recuentu.Con más del 50% del votu recontáu, el Partíu Asturianista algama representación en tres cámares municipales, Grandas de Salime, Ribesella y Llaviana, mientres qu'Andecha Astur tendría conceyales en Morcín, Riosa y Carreño, y quedaría a les puertes en Parres. Los Asturianistes de Nava acusen la marcha de Xulián Fernández Montes, pero sacaríen los dos conceyales colos qu'ellos mesmos contaben. Llama l'atención que'l veteranu líder asturianista Xicu Xabel Díaz Yepes, ex-Ena y ex Lliga Asturiana y anguaño militante de la URAS, saldría conceyal en Villaviciosa. Otramiente, IAS conviértese en tercer fuerza en Piloña con cerca del 6% del votu pero ensin llegar a sacar representación.