L'asturianismu, esmolecíu pola negociación

La negociación pol Gobiernu d'Asturies
ente'l PSOE y IX-BPA ta entrando na fase final, y lo cierto ye que anque
yá se conoz qu'hai alcuerdu en delles cuestiones, l'asturianu ta
afitándose como ún de los puntos más problemáticos
de la negociación, y sigue ensin sabese a ciencia cierto que va salir en
claro de la negociación nel tarrén llingüísticu.

Asturies.com pudo saber qu'IX-BPA tá axuntándose
yá, como prometiere, con dellos colectivos asturianistes pa tresmiti-yos
l'estáu de les negociaciones. Una d'estes primeres reuniones foi cola
Xunta Pola Defensa de la Llingua, a la que los representantes d'IX-BPA
tresmitieron les escases posibilidaes que ta dexando'l PSOE na
negociación nel tema de la llingua asturiana, lo que fai suponer que
l'avance nun vaya ser tolo grande que se contaba dende sectores aasturianistes.
Fontes de la Xunta comentaron la molición que tienen por que se produza
un pautu en condiciones que nun supongan un avance real cuando esta yera una
coyuntura que daba pa ello, y dixeron que ven peligrar hasta'l que se faiga una
Dirección Xeneral de Política Llingüística, de la que
vien falándose oficiosamente dende la otra selmana