Las Palmas 2 - Sporting 2

Nun campu que pintaba difícil, l'equipu de Maceda mereció acabar ganando depués de dir bien de tiempu a remuelque nel marcador. El partíu entamó con gol anuláu a los de casa y primer sustu del Sporting, nel que Villa nun salió de titular. Los locales adelantáronse a balón paráu, pero'l Sporting foi quien a empatar nun corner antes de llegar al descansu. Nel segundu tiempu, con Cobas de motor, el Sporting xugó muncho meyor que los canarios, pero estos punxéronse otra vegada per delantre otra vegada a balón paráu. Entós el Sporting, yá con Villa xugando, afogó al equipu rival nel ária hasta conseguir el gol del empate gracies a Pulido, que tamién pudo marcar nuna chilena espectacular. El final foi de meter mieu, col Sporting subiendo pela carril derecha y creando una oportunidá tres d'otra, pero naide nun pudo concretar en forma de gol, colo que los asturianos tuvieron que volver pa casa con un puntu que sabe a poco y val pa menos.