L'añu entama con xuba

L'añu entró con xuba en dellos servicios públicos, tases de conceyos y tresportes en tol estáu. A estes xubes, los asturianos tenemos qu'amesta-yos la entrada de la tasa sobre la gasolina y el gasoí y la xuba del portalgu de l'autopista del val.le Güerna. Dende ayeri, cola entrada del nuevu impuestu sobre hidrocarburos qu'apautó'l Principáu, la gasolina cuesta 0,024 euros más caro, y el gasoí 0,02 euros. Amás de la xuba impositiva, que'l Gobiernu asturianu xustifica pol gastu de la sanidá público, en bien de postes amestaron-y al impuestu'l cambéu de preciu de la selmana, colo que la gasolina púnxose en dellos llugares hasta 3 céntimos más caro. Ente los precios estatales que xuben, El recibu de la corriente xube'l 1,5% pa les families y el 1,6% pa les empreses, mientres que en tresportes la Renfe xube una media del 2% en tolos servicios, dende cercaníes a grandes llínies. La que nun xube precios ye telefónica, oficialmente nun intentu de torgar la perda de clientes, qu'and pelos 2.000 diarios en tol estáu. D'otra manera, baxa'l preciu de 2.070 medicamentos col envís de menguar la cuenta del gastu públicu en botica.