L'ALLA convoca la preba de conocencia de xineru

L'Academia de la llingua Asturiana tien abiertu hasta esti día 29 de xineru'l plazu pa presentase a la primera de les dos convocatories de prebes de conocencia del asturianu que fai tolos años. La preba, que da derechu al diploma de conocimientu básicu de la llingua asturiana, va ser el 31 de xineru y nella van valorase los conocimientos de teoría gramatical, práutica escrita y oral al traviés d'un esamen de dos partes, una escrita (dictáu, torna, exercicios gramaticales, redaición) y otra falada. Pa más información consultar la web de l'ALLA



D'otra manera, la Xunta Pola Defensa de la Llingua entama'l vienres 30 de xineru un cursu d'asturianu nel so local d'Uviéu, el Llar Solidariu, nel terceru de la cai La Gascona númberu 12.

L'horariu d'esti cursu va ser de 17'00 a 18'30 hores los vienres y sábados, y el preciu de la
matrícula ye de 20 euros. La organización da'l númberu de contactu 985 229 553 .