L'Academia de la Llingua presenta la selmana qu'entra l'Iguador

El prósimu martes 27 va ponese a la venta l'Iguador de la Llingua Asturiana. Desarrolláu pola empresa Araz pa l'Academia de la Llingua, l'iguador ye'l primer corrector ortográficu informáticu de la historia pa llingua asturiana y supón un preséu de normalización imporrtante, corrixendo les faltes más comunes na escritura. La so base de datos enxerta les más de 50.000 entraes del diccionariu normativu de l'Alla y conxuga más de 6.000 verbos, iguando too ello una base de datos de más de 4 millones de palabres, ello arriendes d'atender a les normes d'apostrofación y acentuación y cerca de 300 normes ortográfiques más. De funcionamientu cenciellu, l'iguador tien como finxu principal el control d'enquívocos léxicos y ortográficos al escribir, y pue personalizase gracies a la presencia nelli d'un "diccionariu d'usuariu" nel que puen enxertase pallabres al tenor de les necesidaes de testos especiales.

L'iguador funciona baxo plataforma PC col procesador de testos más común, el Word de Microsoft, y ye compatible colos sistemes operativos Windows 98, XP y 2.000 y coles versiones de Word 97, 2.000 y XP.