La Xunta Xeneral refuga la moción de VOX sobre'l modelu d'oficialidá

|
Adrián Pumares

Namái tuvo l'apoyu de PP, Ciudadanos y el diputáu espulsáu de Foro, Pedro Leal.

La moción de VOX. Ignacio Blanco presentó esta mañana nel Plenu una moción pa encamentar al Gobiernu "a que, enantes de facer la reforma del Estatutu d'Autonomía, presente énte la Xunta Xeneral del Principáu los detalles del modelu "amable" d'oficialidá que pretende imponer a los asturianos".

El votu en contra de Pumares. Depués de la defensa que fixo Blanco tomó la pallabra Adrián Pumares, de Foro, qu'anunció la so decisión de votar en contra por "ser repetida", al ser asemeyada a una presentada pol PP hai un mes nel alderique d’orientación política xeneral, cuando lo fixo a favor, pero sí pidió al Gobiernu y al grupu socialista "poner sobre la mesa respuestes a les entrugues que se tán faciendo respeuto al modelu d'oficialidá y rescamplar los problemes que plantega la Llei d'Usu y Promoción".

El non del restu de grupos. Llueu de la intervención del restu de voceros, y siguir col restu del orde del día, entamáronse les votaciones. Na correspondiente a esta moción salió alantre'l 'non' con 27 votos, los de la FSA, Podemos, Asturies pela Izquierda (IX-IAS) y Foro, pol 'sí' de 16, los de VOX, PP, Ciudadanos y Leal, mentes qu'hebo 2 ausencies.

Na semeya, Pumares nun momentu de la so intervención.

 

Contador Estadistiques