La Xunta pide entrevista cola Conseyera de Cultura

La Xunta Pola Defensa de la Llingua foi la primer asociación del país en pidir una entrevista cola nueva conseyera de Cultura, Ana Rosa Migoya. La Xunta quier que na entrevista s'espliquen les llinies d'actuación en materia de política llingüística y tresmitir de primer mano a la conseyera la visión de la organización y les midíes que ve más urxentes en materia de normalización.

Va cuatro años la Xunta reuniérase tamién col anterior conseyeru Fernández Vallina de la qu'esti garró'l cargu. La organización nun vio naquella reunión poca disposición el conseyeru, y los cuatro años de mandatu que vinieron dempués confirmaron lo que s'atalantó naquella entrevista. Agora, y anque se vive nuna situación política bien distinta, la Xunta ve que nun s'abrió un procesu que nos punxere nel camín de la oficialidá. Ye por ello que, en viendo que l'asturianu va seguir venceyáu a un marcu llegal probe, la Xunta pide del nuevu Gobiernu asturianu un compromisu real y decidíu en materia de política llingüística qu'enllene los furacos del marcu llegal esistente.

D'otra manera, la organización de defensa del asturianu anuncia que ta apautando estos díes entrevistes colos conceyales de cultura de Xixón, Uviéu, Avilés y Siero ente otros conceyos col aquello d'apurrir les sos propuestes en materia de polítiques llingüístiques municipales