La Xunta celebró l'asamblea anual

La Xunta Pola Defensa de la Llingua Asturiana celebró esti fin de selmana en Xixón l'asamblea anual d'esta organización. Nesti conceyu, la Xunta aprebó la llinia de trabayu que va siguir pa esti 2.003, que va tener por noyu la campaña SOS-asturianlanguage, que busca poner en mundu la situación del asturianu y poner una manera amañosa de mostrar un compromisu pol asturianu de cualquier empresa, particular o institución. La Xunta va empobinar tamién esti añu los sos esfuercios a buscar un consensu na oposición al proyectu de TV y potenciar les movilizaciones na Universidá pol asuntu de la reforma de los estatutos. Otramiente, valorose la posibilidá de llevar de dalguna manera la reivindicación llingüística a la campaña electoral de mayu. Respective al añu acabante pasar, aprobóse'l balance económicu y d'actividaes del añu 2002, en que la Xunta entró en superavit a pesar de que nun tuvo nenguna subvención oficial. Esto foi asina gracies al esfuerciu de los socios y socies, asina que decidióse tamién potenciar l'atención a estos y el funcionamientu organizativu y alministrativu de la organización.