La xentrificación protagoniza una xornada nel CSA La Llume

|
La xentrificación protagoniza una xornada nel CSA La Llume

Va proyeutase'l documental '[No-Res] Vida i mort d'un espai en 3 actes', al que va siguir un alderique y una folixa d'autoxestión.

La xentrificación o elitización residencial ye un problema que tán viviendo munchos barrios humildes, que ven como l'aumentu del preciu d'alquileres y viviendes tres una ameyora de les condiciones del llugar provoca'l desplazamientu de les clases populares, siendo sustituyíes por persones de más nivel económicu. Esto ye lo que ta asocediendo na Colonia Castells, en Barcelona, "un exemplu de como les polítiques pasen perriba de les persones y condicionen les sos vides. De como un espaciu de vida, de convivencia vecinal, pue convertise na nada".

Esta situación vese reflexada nel documental '[No-Res] Vida i mort d'un espai en 3 actes', de la productora Metromuster, que va proyeutase mañana a les 19.30 hores nel xixonés Centru Social Autoxestionáu La Llume. Tres el mesmu va entamase un alderique baxo'l títulu 'Xentrificación: barrios obreros y pueblos'.

Pa finar, va celebrase una folixa d'autoxestión na que poder siguir afondando colos presentes nésta y otres problemátiques sociales.

Contador Estadistiques