La XDLA ve'l vasu mediu enllenu y convoca a una manifestación pola oficialidá'l sábadu 7

|
Cartelu manifestación Oficialidá XDLA Día de les Lletres 2022

Va ser n'Uviéu la xornada siguiente al XLIII Día de les Lletres con un percorríu per Uría.

"¿Cómo veis la cosa? ¿Qué sois, de les persones que ven el vasu mediu enllenu o de les que lu ven mediu vaciu?", entrugó la Xunta pola Defensa de la Llingua Asturiana (XDLA) en redes sociales ayeri enantes d'anunciar esta mañana la convocatoria de la tradicional manifestación na Selmana de les Lletres Asturianes. Un vasu de colores con un líquidu de colores qu'ocupa trés cuartos del mesmu ye'l símbolu que garra'l coleutivu cívicu pa esta cita en sustitución temporal del corazón multicolor inauguráu hai un añu.

Al celebrase l'actu institucional de l'Academia de la Llingua Asturiana per tercer añu pela mañana, nesta ocasión nel Teatru Filarmónica, la marcha, que se celebraba enantes del mesmu y finaba nel llugar onde se desendolcaba, xeneralmente'l Campoamor, pasa al sábadu. En concreto va salir al meudía de la Estación del Norte col enfotu de nun baxar los brazos na reivindicación magar el fracasu de les negociaciones pa la reforma del Estatutu d'Autonomía y asina ayudar a enllenar simbólicamente'l vasu de la oficialidá.

Contador Estadistiques