La vuelta del derbi asturianu, de sábadu

El partíu de rivalidá máxima, correspondiente a la xornada 40, va disputase n'El Molinón.

Yá hai horariu pal derbi asturianu. Anque nun primer momentu comentóse de que diba xugase con cuasi toa seguridá de domingu, finalmente Sporting y Uviéu van enfrentase a les 16.15 hores del sábadu 13 de mayu.

Esti choque llegará nun momentu clave de la temporada, con dos partíos per delantre en xuegu, pero, sacante sorpresa, con poco más que l'honor en xuegu. L'Uviéu, en décimu llugar con 49 puntos, tien la permanencia a un pasu, y el Sporting, decimoséptimu con 45 puntos, a 6 del descensu que marca'l Málaga, nun debería complicase col calendariu que-y vien (el descendíu Lugo en casa y Villarreal B fuera), anque los andaluces tamién tienen partíos accesibles per delantre.

Na ida'l conxuntu azul llevóse los trés puntos gracies a un gol de penalti de Borja Bastón nel minutu 74 depués d'un error d'Izquierdoz al llegar tarde a un balón y facer falta sobre Koba nuna aición ensin peligru.

Na semeya, un momentu del derbi últimu xugáu n'El Molinón, que finó col resultáu de 0-1.