La Tercera va arrancar col derbi avilesín

|
Muro de Zaro Avilés Stadium

L'Avilés Stadium va debutar na categoría recibiendo nel Muro de Zaro al Avilés la fin del selmana del 18 d'ochobre, fecha na que tamién va entamar la Lliga en preferente.

La Federación ta acabante de dar a conocer el calendariu nos dos subgrupos de Tercera y preferente. El derbi avilesín, primeru nel que l'Avilés, que va recuperar l'apellíu 'Industrial' tres el cambiu de propiedá, va vese les cares en partíu oficial col equipu creáu nel 2015 baxo la filosofía de fútbol popular por siguidores disconformes cola xestión del primer equipu de la ciudá como Sociedá Anónima Deportiva con José María Tejero como máximu aicionista, ye'l partíu más atractivu d'esta primer xornada nel A.

El restu d'alcuentros de la inauguración de la temporada son UD Gijón Industrial-Llanera, Caudal-Vallobín, Mosconia-SD Lenense y Navarro CF-CD Praviano, mentes que l'UC Ceares descansa. Nel B atopamos los enfrentamientos Llanes-Siero, L'Entregu-Colunga, CD Tuilla-EI San Martín, Condal-Real Titánico y Valdesoto-Urraca.

Formatu de competición

Los trés primeros clasificaos de cada grupu van lluchar ente ellos por xubir a la Segunda División RFEF, cuarta categoría estatal a partir de la temporada próxima tres la reestructuración de la Segunda División B fecha pola situación creada pola pandemia de COVID-19. Los qu'ocupen de la cuarta a la sesta posición van xugar pa ganar puestu pa metese nes eliminatories pol ascensu.

Finalmente, del sétimu al últimu clasificáu van competir na segunda fase pola permanencia na categoría.

Na imaxe, el campu Muro de Zaro. Semeya propiedá del Avilés Stadium.

Contador Estadistiques