La Tarrancha fai un videu de 'Salíi llokes' na desescalada

|
'Salíi llokes' de La Tarrancha

Amás de los miembros de la banda nel mesmu participen dellos siguidores.

La Tarrancha aprovechó l'entamu del procesu de desescalada pa ellaborar un videu del cantar 'Salíi llokes', que "fai alusión a munches coses, pero ye un convite a salir a la cai, a disfrutar de la vida en cada segundu". Pa ello llamaron a los munchos collacios del grupu a participar coles sos reaiciones nos 2 primeros díes tres 50 de confinamientu, qu'unviaron grabaciones que formen parte de la edición final, onde se fai una defensa de la "sanidá pública y universal".

'Salíi llokes' abre'l discu últimu del grupu que fai mezigayuska, 'Baillando con llokes'. Al igual que tolos anteriores de La Tarrancha, ta espublizáu baxo llicencia semi-llibre Creative Commons.

Contador Estadistiques