La seleición asturiana UEFA enfréntase a Galicia nel Nuevu Nalón

El combináu dirixíu por Clemente Sánchez busca'l pase en L'Entregu a la final a cuatro estatal nuna eliminatoria a partíu únicu.

Nel mesmu escenariu nel que consiguió la clasificación superando a Murcia y Euskadi, la seleición asturiana va trata de siguir viva na Copa de les Rexones UEFA. Enfrente va tener a Galicia, actual campeón continental, que pasó la primer fase como segunda meyor segunda llueu d'un sortéu al quedar empatada en tou con Catalunya.

La cita va ser a les 16.30 hores nel Nuevu Nalón, con accesu llibre, y va poder siguise en direuto al traviés de la canal de YouTube de la Real Federación de Fútbol del Principáu d'Asturies (RFPPA). La única novedá de la convocatoria de Clemente ye Enol San Sebastián (UC Ceares), que se cayó de la llista de la primer fase por lesión y pasa agora a ocupar la plaza de Pablo Álvarez Gómez, incorporación del Unión de Segunda RFEF nesti mercáu d'iviernu.

Na imaxe, un momentu del partíu contra Euskadi nel Nuevu Nalón que dio'l pase a Asturies (2-0) a la fase intermedia. Semeya propiedá de la RFPPA.