La Reina de Truébano nel antroxu de Niza

La banda de Gaites dirixida por Luís Feito Cano participa nel Antroxu de la ciudá francesa de Niza.

L'antroxu de Niza ye ún de los más importantes del mediterraneu, lleva celebrándose dende'l sieglu XIII rivalizando n'importancia col de Venecia. El programa ta enllenu d'actividaes ente les que destaca la "Batalla de les flores", un desfile onde participen decenes de carroces adornaes con flores. Aparte de les carroces tamién desfilen agrupaciones musicales, ente elles la banda de gaites del occidente asturianu "La Reina del Truébano" La formación tuvo ayeri na "Batalla de les flores" y na "Procesión de les lluces", y güei pela tarde va tar na "Procesión".

Esta banda gaites nació nel añu 1996 xuntando alumnos de les escueles onde'l gaiteru Luís Feito Cano ponía clase. Nesta banda hai miembros de conceyos como Bual, Navia, San Martín d'Ozcos y A Veiga, y el so repertoriu ta claramente marcáu pola procedencia de los sos componentes, les más de les pieces son del repertoriu tradicional del occidente asturianu, anque tamién tienes cantares d'otres zones o composiciones modernes.