La realidá de la TV bretona

Mientres el futuru de la llingua na TV autonómica asturiana nun acaba de decidise, nun dexen de llegar noticies d'otros países onde la tv ta valiendo d'encontu pa la recuperación d'idiomes minorizaos. Si va dellos meses la esperta galesa Elin Jones pasaba per Asturies a esplicar el casu de la canal galesa S4C, qu'emite dafechu en galés, agora lléganos la noticia de la cración en Bretaña d'una referviente actividá audiovisual en bretón que ta guañando alredor de la canal TV Breizh.

Na redolada de la canal diseñada por Patrick le Lay, director xeneral de la canal estatal TF1, una riestra de pequeñes empreses como la productora Pois Chiche Films tan xenerando una actividá económmica y cultural bien curiosa. El doblaxe de series al bretón y la producción de documentales o de series tan creando un mercáu del audiovisual que xenera cientos de puestos de trabayu. Más información nesti artículu del diariu francés Le Monde