La presentación del llibru 'Una ciencia sin enfotu' de Ramón d'Andrés yá tien fecha nueva

|
Ramón d'Andrés

L'actu, previstu nun primer momentu pal mes d'avientu, aplazóse a última hora.

La Conseyería de Cultura, Política Llingüística y Turismu anunciaba'l 15 d'avientu, na mesma xornada, que nun diba a celebrase la presentación programada pa esa tarde de 'Una ciencia sin enfotu' (Ediciones Trabe), el llibru de Ramón d'Andrés que ganó'l XXVII Premiu Máximo Fuertes Acevedo d'ensayu, correspondiente al 2021. Ésta finalmente va tener llugar mañana a la mesma hora y nel mesmu llugar: a les 19 hores nel salón d'actos de la uvieína Biblioteca d'Asturies 'Ramón Pérez de Ayala'.

'Una ciencia sin enfotu' ye "manual básicu p'abrir los güeyos de cualquiera, filólogu o non, sobre la ciencia y non-ciencia que consumimos, asimilamos y creyemos al falar de llingües nel día a día". Na presentación, D'Andrés va tar acompañáu por Alfredo Álvarez, profesor de Filoloxía Española y Asturiana na Universidá d'Uviéu.

Contador Estadistiques