La pita y Areces vense de nueche

La pita de la Xunta Pola Defensa de la Llingua Asturiana foi protagonista nel entamu de la campaña electoral. L'animal de trapu que va tres del presidente del Principáu a cuantos actos públicos pue asistir pa recordá-y la situación de la llingua asturiana apaeció ayeri pela nueche nel Campillín, onde'l Presidente autonómicu y candidatu a la reelección Álvarez Areces pegaba los primeros cartelos simbólicos de la campaña electoral xunta'l candidatu a l'alcaldía d'Uviéu Leopoldo Tolivar Alas. A la pegada tamién foron un garapiellu de vieyos militantes socialistes que, sorprendíos pola presencia de la pita y desconocedores de la so esistencia, creyeron que la criatura mariella yera cosa del Partíu Popular. Entama una campaña bien dura.

Les cámares de la canal Antena3 TV tovieron ellí y cubrieron l'acción, dexando constancia de la tensión que llegó a producise. Vei el vídeu dende esti enllace