La música asturiana, contra la guerra

Dientro de la campaña de movilizaciones que vienen faciéndose n'Asturies contra l'ataque a Iraq mañana vienres va celebrase a les 8 en Xixón una manifestación que va rematar nos xardinos d'El Náutico, na Playa de San Llorienzo. Ellí ta programáu un conciertu que va aconceyar n'escenariu a dellos de los músicos populares asturianos más conocíos en bien d'estilos distintos. La omnipresente figura de Victor Manuel ye la cabeza d'un cartel que presenta tamién a los veteranos Nuberu, la cantante pop Esther Fonseca, la revelación de la canción asturiana Anabel Santiago, Julio Ramos, los avilesinos Dixebra, el grupu folk Corquiéu, o el rock duru de Fe de Ratas. Sicasí, pue qu'haya dalguna baxa d'última hora en cartel, qu'inclúi al grupu de pop electónicu Mus, poco daos a facer conciertos.