La mina de Windows

Microsoft, el xigante de la informática por definición, nun dexa d'asustanos. La última ye que la casa de Redmond reconoz que nos primeros tres meses del añu fiscal sacó de les ventes del sistema Windows un réditu del 85%. Anque'l portal MSN y la consola de xuegos Xbox perdieron, les perdes d'estes dos estayes foron más pequenes de lo que se contaba, colo que les cuentes de Microsoft apurren un beneficiu final de 2.730 millones de dólares nel primer trimestre fiscal del 2.002/03, doblando la ganancia del añu pasáu nel mesmu periodu que foi d'unos humildes 1.280 millones.