La Mancomunidá de la Sidra celebra una serie de visites guiaes de baldre pa dar a conocer la zona

Les buelgues de la Guerra Civil en Colunga o l’arqueoloxía de la zona son dalgunes de les opciones qu’ufre la Fundación de Turismu de la Mancomunidá de la Sidra p’atraer visitantes nesta seronda. Toles escursiones son guiaes y de baldre.
 
‘Una vuelta a la manzana’ ye’l nome d’esta iniciativa que cumple cuatro años de vida y que tien como oxetivu averar la seronda de los conceyos que conformen la Mancomunidá de la Sidra a los asturianos y visitantes. Asina, hasta’l 29 d’ochobre van tener llugar actividaes tolos sábados na que la participación ye de baldre pa les persones interesaes que reserven plaza nel númberu de teléfonu 665.807.408.
 
El conceyu de Nava va protagonizar l’actividá d’esti sábadu, día 1 d’ochobre, con una ‘Iniciación a la Ornitología’ nos bosques del conceyu, onde poder sentir los soníos de les aves nuna zona rural casi ensin población. La salida va tener llugar en Priandi a les 10 hores y el tiempo de la visita, de dificultá media, ye de 4 hores y media. Les siguientes escursiones guiaes previstes van celebrase en Cabranes (‘Los secretos del bosque mixto’, 8 d’ochobre), Colunga (‘Tras la huella de la Guerra Civil’, 15 d’ochobre), Sariegu (‘Historia y aqueología en la comarca’, 22 d’ochobre) y Villaviciosa (‘Agricultura y tradición molinera en Asturias, 29 d’ochobre).