La madurez d'Australian Blonde

Una de les bandes asturianes de rock con más trayectoria y fama, ta acabante de sacar el so nuevu discu, "Lay it on the line", que pieslla tres años de silenciu depués del so "Extra" del añu 1999.Con esti discu, demuestren tolo que lleven deprendío dende aquel 1993, cuando trunfaron a nivel estatal col tan machacáu "Chup chup". Una madurez que fai que tengan una mayor receptividá a distintes tendencies, lo que notase na so música,. El soníu del discu muevese ente'l country, pop, rock..., pero como llinia maestra, una vuelta a un soníu clásicu, como ellos dicen, con esti discu "sonamos a más vieyos". Amás el discu tien una sorpresa, nel so interior podreis topar una contraseña cola que na web de ritmic.com podreis baxar ocho cantares inéditos d'esta banda.El grupu formáu por Francisco Fernández (voz y guitarra), Tito Valdés (baxu y voz), Paco Martínez (batería) y Paco Loco (guitarra y pedal steel), decidió esta vegada cambiar de sellu, depués de la esperiencia na multinacional RCA, saquen esti LP col sellu independiente Astro. El primer single del cd tien el mesmu nome que'l discu, "Lay it on the line", y ye una canción de pop setenteru, cola que quieren amosar claramente l'espíritu d'esti trabayu, una vuelta al orixe.

Contador Estadistiques