La llista'l galipote

Xusto al revés que na llista de Schindler, que salvó a más de mil persones de la cámara de gas, la llista que tan acabante d'apurrir dende la Conseyería de Mediu Ambiente presenta, deseparaes per especies y n'exemplares vivos y muertos, a les víctimes de la marea negra n'Asturies. Del 5 d'avientu al 3 de febreru, 2.281 páxaros llegaron a los centros de recuperación y seguimientu de L.luarca y San Xuan de Nieva. D'ellos 1.069 llegaron vivos gracies al llabor de voluntarios, miembros de la Coordinadora Ornitolóxica y guardes, y tamién gracies al llabor voluntariu de veterinarios y amantes de los animales, 120 siguen vivos entovía güei. Anque'l pue qu'abulten pocos, lo cierto ye que nun ye un mal porcentaxe en comparanza con otros casos asemeyaos, lo que diz muncho de lo bien que se trabayó sobre los animales nos "hospitales de campaña". La llista entera pue consultase nel web de la Universidá d'Uviéu