La Lliga Celta d'Asturies entama la presentación del llibru d'Alfonso Fanjul sobre los astures

|
Cubierta 'Los Astures' Alfonso Fanjul recortada

Nel actu tamién va falase sobre la paralización del proyeutu arqueolóxicu en La Pena Sobia.

Alfonso Fanjul, doctor n'Arqueoloxía, va presentar mañana n'Uviéu'l so llibru 'Los astures. Un pueblo céltico del noroeste peninsular', asoleyáu nel 2019. Va ser na sede la Lliga Celta d'Asturies, nel Hotel d'Asociaciones de Santuyano, a partir de les 19.30 hores, actu que va conducir el so presidente, Fernán Morán.

El llibru, editáu pol Instituto de Estudios Bercianos, pue mercase físicamente, anque tamién pue consultase na rede. Amás, nel actu l'arqueólogu va tratar sobre les novedaes na paralización por parte de la Conseyería de Cultura, Política Llingüística y Turismu del proyeutu arqueolóxicu en La Pena Sobia, nel conceyu de Teberga.

Contador Estadistiques