La EPA cifra en 20.000 persones l'aumentu del paru nel añu últimu

Asitia la tasa de desemplegu nun 14,39 por cientu, del 47,53 en menores de 25 años.

L'Instituto Nacional de Estadística (INE) asoleyó esta mañana los datos de la Encuesta de Población Activa (EPA), nada favoratibles n'Asturies. Éstos marquen que'l 2022 finó con 64.100 desemplegaos, 20.000 más que l'añu anterior, lo que supón una medra del 45,3 por cientu, la más alta del Estáu con bastante diferencia, al ser la segunda la Comunidad de Madrid con un 16,15 por cientu.

A nivel estatal baxó nun 2,57 por cientu, con un total de 3.024.000 paraos, recoyendo los meyores datos Illes Balears (25,67 por cientu menos) y Canarias (22,86). La tasa de paru n'España asítiase nun 12,87 por cientu.