La entrega de los XXI Premios de la Crítica va celebrase n'abril n'Uviéu

|
Patiu del Edificiu Históricu de la Universidá d'Uviéu

Adolfo Camilo Díaz y Gonzalo G. Barreñada son los gallardonaos nes estayes d'asturianu.

Yá hai fecha pa la entrega de los XXI Premios de la Crítica y el XVI Premiu de les Lletres d'Asturies. Va ser el vienres 22 d'abril nel Aula Magna del Edificiu Históricu de la Universidá d'Uviéu.

L'Asociación d'Escritores d'Asturies entrega estos gallardones, de los que namái se desconocía'l merecedor del de narrativa en castellanu. Güei comunicóse que foi Marcelo Matas por 'La urdimbre y la trama / 1. Yo sé quién soy' (Editorial Adarve).

N'asturianu'l premiu llévalu Díaz por ‘Skull City y otres histories’ (Trabe), mentes qu'en poesía n'asturianu failo Barreñada por 'El llar n'orde' (Trabe) y, en castellanu, Alejandro Céspedes por ‘El aliento del Klai’ (Huerga y Fierro Editories). Ana Paz Paredes va recibir el de columna periodística y el XVI Premiu de les Lletres d'Asturies, que reconoz una trayeutoria, va entregase a Amelia Valcárcel.

Na semeya, patiu del Edificiu Históricu de la Universidá d'Uviéu, col Aula Magna al fondu.

Contador Estadistiques