La cuadra informatizada

La Conseyera de Mediu Rural y Pesca, Servanda García presentó ayeri en Taramundi una demostración práctica del sistema de basesde datos SIMOGAN, un programa informáticu que la Conseyería de Mediu Rural y Pesca pon a disposición de los ganaderos asturianos pa facilitá-yos la identificación y el rexistru del ganao. La base de datos controla l'asignación de crotales y la espedición de los documentos de los animales, colo que pue facese la trazabilidá del animal dende'l ñacimientu hasta que se sacrifica, un requisitu que yá apaez nes etiquetes de la carne en tiendes y supermercaos de dellos países de la UE

Con Taramundi, son yá once los conceyos en que funciona esti sistema informáticu nel que tan enxertos Nava, Somiedu, Eilao, Candamu, El Franco, Llanes, Llangréu, Sobrescobiu, Teberga, Mieres y Onís y al que van amestase, d'equí a poco Ribedeva, Corvera, Tinéu, Villayón, Cabranes y Ayer. Esti mesmu sistema informáticu tamién tan emplegándolu les cooperatives d'Otur y de Xixón.