La crisis d'Enron chisca a Bush

A primeros d'avientu, la eléctrica americana Enron declaró bancarrota. La mayor quiebra d'una empresa na historia de los EEUU dexó un furacu pel que s'esmucieron 15 billones de dólares, y con ellos marchó tamién la seguranza de tola xente que trabayaba na compañía, a los que s'obligó a garrarfondos de pensiones n'acciones d'Enron, unes participaciones que dexaron de cotizar ayeri.Pero la crisis d'Enron ye noticia porque chisca muncho más alto, y lléga-y hasta los mesmos calcaños a George Bush. Enron foi la empresa que más perres punxo pa la campaña presidencial de George Bush. L'alministración republicana siempre-y dio tratu de favor al xigante eléctricu, y agora tan investigándose los tratos en qu'anduvo'l director de la Enron con altos cargos de la Casa Blanca dos meses primero de la quiebra. Tamién va investigase a Arthur Andersen por destruyir documentos importantes cuando fiz la última auditoría a Enron. La desapaición de la 7ª empresa más grande de los EEUU dexa material abondo pa una novela negra, con donaciones misterioses, prebes destruyíes y politicos metíos hasta'l cuezu . Otra cosa bien distinta sedrá ver quien s'atreve a escribila.

Contador Estadistiques