La crisis del Real Uviéu llega a la rede

L'históricu equipu de fútbol carbayón, anguaño descendíu a tercera división, ta perdiendo toles señes d'identidá. Mientres la tienda de ropa oficial del equipu lleva meses trancada y la directiva anda engarrada col Ayuntamientu pa nun perder el derechu a siguir xugando nel estadiu Carlos Tartiere, la web oficial del Real Uviéu ta en suspenso, polo menos de momentu. Otramiente, la web del Astur CF, el qu'aspira a convertise nel nuevu equipu de la capital, entovía nun enseña'l cambeu de colores pa esti añu y sigue pintada d'encarnao en cuenta del azul col que van salir los xugadores al campu cuando entame la competición.