La Conseyera de Cultura presenta'l proyectu de "Fuentes de Invierno"

La Conseyera de Cultura Ana Rosa Migoya comprometióse ayeri que'l Gobiernu asturianu inaugure la estación d'esquí "Fuentes de Invierno" pa últimos del 2005. La previsión de la portavoz del gobiernu encóntase en que se dea pronto de pasu l'estudiu d'Impactu Ambiental y que les obres entamen pa setiembre d'esti añu. L'aprobación del Plan Especial pa la zona que depende del Ayuntamientu d'Ayer dase por fecha.

La redacción del estudiu d'impactu ambiental que ta dende esti vienres a esposición pública fala d'una estación respetuosa colos recursos naturales y na que van facese los menos movimientos de tierra posibles pa construyir nada menos que 14 pistes, trés telesilles, un telesquí, una cinta remontadora y un aparcaderu que na primer fase va tener sitiu pa 30 autocares y 250 coches.

La Conseyería entiende que l'anuncia del proyectu, inversión estrella d'esti añu con cargu a los fondos mineros, yá xeneró un "boom" turísticu nel conceyu d'Ayer, onde se cuenta yá con ocho hoteles rurales venceyaos al proyectu. Según la Conseyería, la estación d'esquí pue llamar a un perfil de turista de gran poder adquisitivu procedente del centru y norte de Portugal.