La comparación de Fernández Álvarez: filólogos que defenden la categoría de llingua del asturianu con "radicales"

|
Susana Fernández Álvarez Alderique d'Orientación Política Xeneral 2022-2023

La vocera de Ciudadanos, al igual que la popular Teresa Mallada, fixo una pequeña referencia al idioma na so intervención.

Susana Fernández Álvarez refirióse al tema llingüísticu nel entamu del so discursu na segunda sesión del Alderique d’Orientación Política Xeneral del añu llexislativu 2022-2023, cuando repasó delles noticies de va 25 años, de los últimos díes d’agostu y primeros de setiembre del 1997. Ente ellos citó’l titular ‘La oposición llama reaccionario al delegado de Gobierno por negar al asturiano la categoría de lengua y algunos filólogos consideran bárbara y ridícula su posición’.

“Nuestos problemas y preocupaciones eran exactamente los mismos que hacer 25 años”, afirmó darréu, pa entamar a enumeralos de siguío, apuntando ente ellos “el linchamiento público de los radicales a los que se opongan a la cooficialidad”. Una comparación con respeuto al titular dau anteriormente, únicu que trataba la cuestión llingüística, col que paez igualar con estremistes a los filólogos que defendíen va cinco llustros l’afitada categoría de llingua del idioma frente a la idea qu'amosaba nel 1997 el popular Fernando Ramón Fernández Noval.

“Esi montaxe”

Mallada, pela so parte, namái cito la llingua asturiana na so intervención pa dicir que “ye evidente que la Conseyería de Cultura, una vegada que’l Partido Popular punxo sobre la mesa esi montaxe que teníen organizáu cola cooficialidá, quedó esfondada y nun tien fueya de ruta”.

Na imaxe, Fernández Álvarez.

Contador Estadistiques