La CNN entra en Tikrit con guardia propio

Cuando se lleven 26 díes del ataque a Iraq, les cróniques de l'esfarraplamientu de les caberes posiciones del réxime iraquín dexen-y sitiu al desastre humanitariu y el caos en que vive'l país enteru, ello mientres los líderes mundiales intenten meter el cazu na reconstrucción y gobiernu del país. Nesti sentíu, la revista de prensa de la guerra d'Asturies.com presenta un artículu del diariu italianu La Repubblica en qu'esplica'l proyectu del gobiernu tresalpín pa llevar a los carabinieri al Iraq.

Otramiente, la noticia del día n'Iraq ta en que los reporteros de la canal americana CNN tan faciendo'l trabayu d'ellos acompañaos d'un serviciu armáu de seguranza. La organización Reporteros ensin Fronteres denunció güei qu'un d'estos guardaespaldes tiró d'ametralladora esta mañana en Tikrit, un fechu que ye enforma grave en cuantes que pue dar a entender que tolos coches de prensa van con armes