La catedral, profanada

La manifestación d'estudiantes qu'ayeri recorrió la capital en protesta pol ataque a Irak remató dientro de la Catedral d'Uviéu, onde l'entamu de la guerra coincidió cola celebración de la misa n'honor al Rei d'Asturies Alfonso II, fundador históricu d'Uviéu. Al actu relixosu asistíen diz conceyales del PP nel consistoriu carbayón, que tuvieron qu'aguantar xunta los oficiantes de la misa les proclames y les frases de los estudiantes, que foron quien a torgar el desarrollu de la misa.

La rempuesta del Arzobispáu llegaba a media tarde d'ayeri en forma de comunicáu de prensa que condenaba "sin paliativos la profanación del primer templo de la diócesis". La delegación de medios del Arzobispáu, que diz que la ilesia ta contra la guerra, tamién se quexa de que d'un tiempu p'acá vengan utilizándose llugares sagraos como espaciu pa la protesta, lo que pon a la Ilesia nuna situación de conflictu. En rellación con esto, faen agora cinco años de cuando s'encerraron un grupu de despedíos de Duro Felguera na torre de la Catedral, onde aguantaron 317 díes.