La campaña d’Izquierda Xunida, más cara que la del PSOE

IX presentó esti martes los presupuestos que la coalición d'izquierdes va gastar na campaña electoral pal 14 de marzu n'Asturies. El total del presupuestu que va consumir en propaganda electoral la candidatura encabezada por Jesús Iglesias ye de 240.000 euros, 60 millones de les antigües pesetes. Un créditu bancariu va apurrir les perres pa esta campaña, qu'Iglesias calificó de "trescendental" pa "sacar a la derecha del gobiernu". L'actu de campaña más importante d'IX nesta campaña va ser el 7 de marzu, cola presencia de Gaspar Llamazares, anque nun se sabe si va ser n'Uviéu o en Xixón. Los militantes de la coalición van repartir nesta campaña un númberu de papeletes pa votar superior al propiu censu d'electores: 1 millón doscientes mil que los militantes de la organización van repartir per tolos conceyos. La web electoral d'Izquierda Xunida www.izquierzaxunida.com va apurrir información actualizao sobre la campaña y l'axenda de los candidatos, y el llema oficial va ser "vamos recuperar la to ilusión, pallabra"

El presupuestu que va mover Izquierda Xunida nestes elecciones ye superior incluso al que va gastar el PSOE, qu'anunció'l xueves que diba gastare 155.000 euros na campaña.