La Biblioteca d'Asturies "Ramón Pérez Ayala" echa andar l'archivu de la música d'Asturies.

Esti archivu quier ser una ferramienta fundamental pa la investigación de la música asturiana, en cuantes que la posibilidá de tener compiláu y organizáu nun archivu buena parte del material musica fai abondo más facil la xera de munchos investigadores, o simplemente de persones interesaes na nuestra música.

Pa ello l'archivu permitenos la consulta de bases de datos d'autores y temes asturianos, fonografía asturiana, bibliografía musical asturiana, documentos musicales en publicaciones periódiques. Tamién podemos consultar música empresa en soporte dixital y papel, amás de poder facer audiciones de documentos musicales y videográficos. L'archivu tamién dispón de medios pa poder consultar el material, videos Vhs, llectores de láser disc, unidaes de cederroms, cassetes...etc. Pa ponese en contacto col archivu podéis mandar un e-mail a armusica@princast.es o llamando al 985 21 13 97.

Hasta agora, la mayoría de los archivos curiosos qu'había n'Asturies pertenecen a particulares o colectivos, que col so trabayu diben atropando una gran cantidá de material. Esti archivu públicu tien que ser la forma de formalizar esi trabayu, y permitir mayor accesibilidá a los materiales, amás de ser una d'eses instituciones básiques que lleven pidiéndose va munchos años dende los sectores que trabayen nel mundu de la música asturiana, y qu'anque tarde, crease a la fin. Sicasí tovía sigue reclamándose dende l'ámbetu de la música asturiana al Principáu que plantee una política coherente y de seguio pa cola música tradicional asturiana, reglando la enseñanza de la mesma o creando instituciones que la protexa y esparda.